باش يتعتابر موراب، أي طراك خصو يكون فيه:

• على الأقل آلة موسيقية وحدة أو ريتم من التراث الموسيقي المغربي، بحال البندير، الغيطة، لوتار، السنتير، الرباب، الطعريجة، القراقب ولا الطبيلات.
• تقصار كيحافظ على الخاصيات الأساسية ديال الراب، يعني الفلو، الإيقاع، القوافي والمهارة فالكلمات.
• سامبلات ديال الصوت ولا اللحن جاية من التقاليد المغربية، مقتطفات من الأغاني لقدام، غنا د الحفالي ولا الصّناعا د الصوت بحال الموال، تاماوايت ولا الزغاريت.
• واللغة تكون ضاربة ف عمق الكلام المغربي، بالخصوص الدارجة، تمازيغت، مدموجة مع الفرنساوية، النجليزية و/ولا السبنولية.

المورابرز غالبا ما كيستعملو السامبلات والطبقات الصوتية ماشي غس باش يزوقو الطراكات، ولكن باش يستحضرو الأصوات ديال الأجداد والذاكرة الجماعية. تقدر تسمع لوب د البندير مع إيقاع الطراب، ولا مقتطف من موال كيفتاتح سطر قاصح. ولا تيزرارين ولا زغاريت تقدر تسمعها مع سطر كيدوي على المقاومة ولا الصمود وكترجع الصوت الاحتفالي بحال شي تعبيرات عصرية.

موراب ماشي غي كيرد الموسيقى المغربية عصرية

هو كيرجع ليها، كياخذ منها وكيبني منها ريتم جديد ديال الهوية.

اللي كيخلي موراب فريد من نوعو هو القدرة ديالو باش يمغرب الهيب هوب بلا ما يخسر الجوهر ديالو. السطور مازال ضاربين، الفلو مازال غادي، ولكن الصوت، الكلمات والرمزيات باقين ف طبيعتهم المغربية.

موراب كيستعمل الهيب هوب باش يتكلم، وحتى باش يتسمع.

ماشي غي نوع موسيقي، ولكن حركة ثقافية، واعتراف صريح: ماخصناش نبانو بحال شي بلاد أخرى باش نتحتارمو، ويتعتارف بينا، ونتعتابرو ف مستوى عالمي. ماشي غي راب تصنع ف المغرب، هو راب تصنع من المغرب، من الدفى، من التراب، من الزين، من الجبال والزناقي د المغرب.