هنا مباشرة كيذكر واحد القضية اهتم بيها إبن سينا و هي قضية خلود النفس من بعد الموت و الروحانية ديالها. إبن سينا كان كيشوف بلّي الروح راه سرّ كبير فداخل الإنسان، و ماشي أي واحد يقدر يفهمها غير بالعقل و التأمل.

كان كيقول: تخيّل معايا واحد الإنسان تولد فجأة، و لقا راسو معلّق فلفَضاء، ما كيشوف والو، ما كيسمع والو، ما كايحسّش بجسدو، لا بيدّيه لا برجليه، ما عارفش حتى واش عندو جسم. ومع ذلك، هاد الإنسان غادي يبقى حاسّ براسو كـ “أنا موجود”.

هنا إبن سينا قال: واش شفتو؟ هاد “الإحساس بالوجود” ما جا من لا يدين ولا رجلين ولا حواس، جا من الداخل، من النفس، من الروح لي عايشة فداخل الإنسان. يعني حتى لو نقطعو التواصل ديال الجسد كامل مع العالم، الروح كتبقى شاعرة بنفسها، حاسة بوجودها، ما كتحتاجش للجسم باش تعرف راسها. هادي تجربة فكرية كيتسما “الإنسان الطائر“، و هي من الأدلة الأساسية ديالو على أن الروح ماشي مادية.